Жетісуда сібір таутекесін атқан браконьерлер ұсталды, деп хабарлайды «Адырна» тілшісі.
«2-ші тамыз кешкі сағат 19:30 шамасында Жоңғар-Алатау паркі мемлекеттік инспекторларының кезекті рейді барысында Тоқты мемлекеттік табиғи қаумалы аумағынан «Toyota Land Cruiser Prado» маркалы автокөлік тоқтатылып, ішінде болған ҚР азаматы және екі испан азаматтары ұсталды. Көлікті тінту барысында жүк салу бөлігінен 2 сібір таутекесінің басы мен терісі, салмағы 60-62 келі болатын еті, сондай-ақ 2 шетел азаматына тиесілі қару құралдары тәркіленді»,— деді Орман шаруашылығы және жануарлар дүниесі комитетінің баспасөз қызметі.
Қазіргі таңда тергеп-тексеру амалдары жүргізіліп жатыр.
