Белгілі журналист Ербол Мәндібек Президент сайлауына қатысатыны туралы мәлімдемесіне түсініктеме берді, деп хабарлайды «Адырна» тілшісі.
«Түрлі адамнан «Ойбай, Ереке, сіз қалай сайлауға қосылайын деп жатсыз?» деген сұрақ келіп жатыр. Біріншіден, мен қосылған жоқпын. Тек қана сайлауға қатысудың ережесін, тәртібін білу үшін ғана кеңес сұрағаным рас. Жасым 40-қа толмады, мемлекеттік қызметте істемегенмін. Еліміздің заңдарын өте қатты құрметтеймін, сыйлаймын. Ешқандай өкпем жоқ. Құдайға шүкір, жаспыз. Алдағы уақытта, мүмкін, осындай саяси науқандарға қатыса жатармыз. Ал әзірге елдің амандығын, заманның тыныштығын тілеймін. Сайлаудың әділ өтетініне сенемін»,—деді ол.
