26 қазанда Халықаралық Түркі академиясы президентінің міндетін атқарушы Фузули Мәжидли және Түркі мәдениеті мен өнерін дамыту халықаралық ұйымының (ТҮРКСОЙ) Бас хатшысы Сұлтан Раевпен кездесті, деп хабарлайды "Адырна" ұлттық порталы.
Түркістан қаласында өткен кездесу барысында қос тарап күн тәртібіндегі маңызды жобаларды талқылап, меморандум аясында бірлескен іс-шаралар жөнінде пікір алмасты.
Академия басшысының міндетін атқарушы ортақ жобаларды жүзеге асыруға арналған жол картасы жөніндегі ойларымен бөлісті.
Өз кезегінде Бас хатшы С.Раев ТҮРКСОЙ ұйымының алдағы уақытта атқаратын жұмыстары туралы мәлімет беріп, жобаларға Түркі академиясының атсалысуын ұсынды. Сондай-ақ ол Академияның түркі әлемінің ғылыми ынтымақтастығына бағытталған бастамаларын қолдайтынын жеткізді.
