26 قازاندا حالىقارالىق تۇركى اكادەمياسى پرەزيدەنتىنىڭ مىندەتىن اتقارۋشى فۋزۋلي ءماجيدلي جانە تۇركى مادەنيەتى مەن ونەرىن دامىتۋ حالىقارالىق ۇيىمىنىڭ (تۇركسوي) باس حاتشىسى سۇلتان راەۆپەن كەزدەستى، دەپ حابارلايدى "ادىرنا" ۇلتتىق پورتالى.
تۇركىستان قالاسىندا وتكەن كەزدەسۋ بارىسىندا قوس تاراپ كۇن تارتىبىندەگى ماڭىزدى جوبالاردى تالقىلاپ، مەموراندۋم اياسىندا بىرلەسكەن ءىس-شارالار جونىندە پىكىر الماستى.
اكادەميا باسشىسىنىڭ مىندەتىن اتقارۋشى ورتاق جوبالاردى جۇزەگە اسىرۋعا ارنالعان جول كارتاسى جونىندەگى ويلارىمەن ءبولىستى.
ءوز كەزەگىندە باس حاتشى س.راەۆ تۇركسوي ۇيىمىنىڭ الداعى ۋاقىتتا اتقاراتىن جۇمىستارى تۋرالى مالىمەت بەرىپ، جوبالارعا تۇركى اكادەمياسىنىڭ اتسالىسۋىن ۇسىندى. سونداي-اق ول اكادەميانىڭ تۇركى الەمىنىڭ عىلىمي ىنتىماقتاستىعىنا باعىتتالعان باستامالارىن قولدايتىنىن جەتكىزدى.
