توقاەۆ عىلىم سالاسىنىڭ قىزمەتكەرلەرىن قۇتتىقتادى

2956
Adyrna.kz Telegram

ەل پرەزيدەنتى قاسىم-جومارت توقاەۆ عىلىم سالاسىنىڭ قىزمەتكەرلەرىن قۇتتىقتاپ جازعان جازباسىن، ءوز Twitter-دە جاريالادى، دەپ حابارلايدى "ادىرنا" ۇلتتىق پورتالى. 

"عىلىم سالاسىنىڭ قىزمەتكەرلەرىن بۇگىنگى كاسىبي مەرەكەسىمەن قۇتتىقتايمىن! وسى ايتۋلى داتانىڭ اسا كورنەكتى عالىم ق.ساتباەۆتىڭ تۋعان كۇنىمەن تۇسپا-تۇس كەلۋىنىڭ ءمانى زور. پەرسپەكتيۆاسى بار عىلىمي زەرتتەۋلەردى قولداۋ، ۇلتىمىزدىڭ زياتكەرلىك الەۋەتىن ارتتىرۋ – ءسوزسىز شەشىمىن تابۋعا ءتيىستى ستراتەگيالىق مىندەت" دەپ جازدى پرەزيدەنت.

سونىمەن قاتار توقاەۆ، ەلىمىزدىڭ عىلىم سالاسىنداعى ەلىمىزدىڭ وزىندىك الار ورنى بار ەكەنىن اتاپ ءوتتى.

"وسىدان 60 جىل بۇرىن ادامنىڭ عارىشتى يگەرۋ ءداۋىرى باستالدى. يۋري گاگاريننىڭ بايقوڭىر عارىش ايلاعىنان ۇشۋى – الەمدىك عىلىم دامۋىنىڭ جارقىن كورىنىسى. قازاقستان حالىقارالىق باعدارلامالارعا، عارىش تەحنولوگياسىن يگەرۋگە بەلسەندى اتسالىسا بەرەدى" دەدى ءوز جازباسىندا.

"ادىرنا" ۇلتتىق پورتالى

پىكىرلەر