Бүгін, Алматыда халқының сүйікті ұлы, Қазақстанды ұзақ жыл басқарған Дінмұхамед Қонаевты еске алу шарасы өтті. Оның туған күніне арнайы Қонаев музейі ұйымдастырған шараға Серікболсын Әбділдин, Шәңгерей Жәнібеков секілді қоғам қайраткерлерімен қатар, жүздеген тұрғындар қатысты.
ҰҚК шекара қызметі академиясының курсанттары, Қонаев ескерткішінің құрметті қарауылы болды. Жиналғандар жұрт Дінмұхамед Ахметұлы жайлы естелік айтып, жақсы қасиеттерін сөз етті. арнайылап келген көпшілік Қонаев ескерткішіне гүл шоқтарын қойды.
Қонаев музейі жылына екі рет Дінмұхамед Қонаевты еске алады. Біріншісі жылдың басы, туған күні – қаңтардың 12-сі және қайтыс болған күні - тамыздың 22-сі өтеді.
Фото Асылхан Мамашұлы
