تۇركىستان وبلىسىن سۋ باسۋدا. بۇل تۋرالى توتەنشە جاعدايلار مينيسترلىگىنىڭ مالىمدەدى، دەپ حابارلايدى “ادىرنا” ۇلتتىق پورتالى.
مالىمەت بويىنشا، 2 اقپاندا كەنتاۋ جانە تۇركىستان قالالارىندا جانە بايدىبەك، ورداباسى جانە ساۋران اۋداندارىندا اۋلالار مەن كوشەلەر سۋ استىندا قالدى.
وقيعا 2 اقپان ساعات 08:00-دە قاردىڭ ەرۋى جانە جاۋىن-شاشىننىڭ كوپ جاۋى سالدارىنان باستالعان.
تۇركىستان وبلىسى اكىمدىگى 2 اقپاندا ساۋران اۋدانى بابايقورعان اۋىل وكرۋگىنە قاراستى بابايقورعان، اباي، ۇلگىلى ەلدىمەكەندەرىندە كوشەلەر مەن تۇرعىن ۇيلەردىڭ اۋلاسىنا سۋ كىرگەنىن ايتتى.
سونداي-اق، شامامەن 10-عا جۋىق ءۇيدىڭ اۋلاسىن سۋ باسقان. بابايقورعان اۋىلىنداعى جالپى ورتا مەكتەپتىڭ اۋلاسىن دا سۋ باسقان، مەكتەپ وقۋشىلارىنا ساباقتار توقتاتىلدى.
