Түркістан облысын су басуда. Бұл туралы Төтенше жағдайлар министрлігінің мәлімдеді, деп хабарлайды “Адырна” ұлттық порталы.
Мәлімет бойынша, 2 ақпанда Кентау және Түркістан қалаларында және Бәйдібек, Ордабасы және Сауран аудандарында аулалар мен көшелер су астында қалды.
Оқиға 2 ақпан сағат 08:00-де қардың еруі және жауын-шашынның көп жаууы салдарынан басталған.
Түркістан облысы әкімдігі 2 ақпанда Сауран ауданы Бабайқорған ауыл округіне қарасты Бабайқорған, Абай, Үлгілі елдімекендерінде көшелер мен тұрғын үйлердің ауласына су кіргенін айтты.
Сондай-ақ, шамамен 10-ға жуық үйдің ауласын су басқан. Бабайқорған ауылындағы жалпы орта мектептің ауласын да су басқан, мектеп оқушыларына сабақтар тоқтатылды.
