قازاقستاندىق سەيسمولوگتار 24 مامىر كۇنى تاڭعى ساعات 05:25-تە الماتى قالاسىنان وڭتۇستىك-باتىسقا قاراي 434 شاقىرىم قاشىقتىقتا جەر سىلكىنىسىن تىركەدى، دەپ حابارلايدى "ادىرنا" ۇلتتىق پورتالى.
بۇل تۋرالى ۇلتتىق سەيسمولوگيالىق باقىلاۋ جانە زەرتتەۋ عىلىمي ورتالىعىنىڭ (ۇسسبزعو) رەسمي سايتىندا حابارلاندى.
مەكەمە تاراتقان اقپاراتقا سايكەس، ءزىلزالانىڭ وشاعى قىرعىزستان اۋماعىندا ورنالاسقان. ونىڭ كوورديناتتارى: 41.050 س.ە.، 72.533 ش.ب. ەسەپتىك قارقىندىلىعى قازاقستان اۋماعىندا سەزىلمەگەن.
ال قىرعىزستان ۇلتتىق عىلىم اكادەمياسى سەيسمولوگيا ينستيتۋتىنىڭ مالىمەتىنشە، جەر سىلكىنىسىنىڭ ماگنيتۋداسى 3,9 باللدى قۇراعان. ەپيتسەنترى قىرعىزستانداعى توسكوول اۋىلىنان سولتۇستىك-باتىسقا قاراي 10 شاقىرىم، ال جالال-اباد قالاسىنان 45 شاقىرىم جەردە ورنالاسقان.
ۇقساس جاڭالىقتار
