قىتايدا جۇك تاسىمالداۋعا ارنالعان CH-YH1000 اتتى پەرسپەكتيۆالى ۇشقىشسىز ۇشۋ اپپاراتى العاش رەت كوككە كوتەرىلدى، دەپ حابارلايدى “ادىرنا” ۇلتتىق پورتالى Global Times باسىلىمىنا سىلتەپ.
ۇشاق تۇرىندەگى جۇك درونىن قىتايدىڭ مەملەكەتتىك اەروعارىشتىق عىلىم جانە تەحنولوگيالار كورپوراتسياسى (CASC) جاساپ شىعارعان. CH-YH1000 1000 كەلىدەن استام جۇك كوتەرە الادى. ونىڭ ۇشۋ بيىكتىگى – 8000
مەترگە دەيىن، ال اۋەدە بولۋ ۇزاقتىعى شامامەن 10 ساعاتقا سوزىلادى.
مامانداردىڭ ايتۋىنشا، سىناقتار اياقتالعان سوڭ بۇل درون ورتالىق جانە باتىس قىتايداعى تاۋلى جانە قولجەتىمسىز ايماقتارعا جۇك جەتكىزۋ لوگيستيكاسىندا ماڭىزدى ءرول اتقارادى. سونداي-اق CH-YH1000 اۆتوجولداردا، قاتتى توپىراقتا جانە ءشوپتى الاڭداردا ۇشىپ-قونۋعا قابىلەتتى.

رەداكتسيا تاڭداۋى