Оқу-ағарту министрлігі 2022 жылғы 31 тамызда жарияланған № 385 бұйрыққа толықтырулар енгізді, деп хабарлайды «Адырна» тілшісі.
Жаңа өзгерістер бойынша оқушы мен мұғалімге сабақ үстінде ұялы телефон пайдалануға тыйым салынады.
«Мұғалімнің шешімі бойынша сабақта оларды қолдану қажеттілігін есепке алмағанда, білім алушылар мен педагогтар сабақтарда мобильді байланыс құралдарын пайдаланбайды»,—делінген құжатта.
Сондай-ақ білім алушы теріс қылықтар жасаған, мектептің ішкі тәртіп қағидалары талаптарын бұзған кезде оны сабақтардан шеттетуге, сондай-ақ ата-анасының немесе өзге де заңды өкілдерінің қасында еріп жүруінсіз білім беру ұйымынан шығаруға жол берілмейді.
