Екібастұзда ер адам өртеніп жатқан үйден әйел адам мен оның 9 айлық баласын аман алып шықты, деп хабарлайды «Адырна» тілшісі.
«2023 жылдың 29 наурызында №2 мамандандырылған өрт сөндіру бөлімінің пультіне Екібастұз қаласы, Лихачев көшесі, 50 мекен-жайы бойынша үй өртеніп жатқаны туралы хабарлама келіп түсті. Өрт сөндірушілер келгенге дейін аталмыш мекен-жайдың жанынан өтіп бара жатқан 1984 жылы туған азамат Баранов Павел Александрович 11-ші тұрғын үйдегі өртті байқап, от басқан үйдегі адамдарға көмек беруге кіріседі. Осылайша әйел мен оның 9 айлық баласының өмірін сақтап қалды»,—дейді облыстық ТЖД.
Ер адам өз әрекетін батырлық деп санамайды.
Қазіргі уақытта нәресте палатаға ауыстырылды. Ал оның анасы реанимацияда жатыр.
Айта кетейік, өртке электр сымының қысқа тұйықталуы себеп болған.
