Құндызбек Әбдірәсілов Үкімет аппараты басшысының орынбасары болып тағайындалды, - деп хабарлайды "Адырна" тілшісі министрлер кабинетінің баспасөз қызметіне сілтеме жасап.
Ол бұған дейін ҚР Премьер-Министрі Хатшылығының меңгерушісі қызметін атқарған.
Құндызбек Әбдірәсілов 41 жаста, Әулие ата университетін және Жамбыл гуманитарлық-техникалық университетін бітірген. Ақпараттық жүйе, қаржы және құқық мамандықтарын тәмамдаған.
Еңбек жолын 2005 жылы Жамбыл облысы Байзақов ауданы бойынша Салық комитетінде бастап, штаттан тыс қызметкерден салықтық тіркеу бөлімінің бас маманына дейін көтерілді.
Әбдірәсілов «Ұлттық ақпараттық технологиялар» АҚ-да, Қазақстан Республикасы Статистика агенттігінде, Ұлттық экономика министрлігінде түрлі лауазымдарды атқарған. Еуразиялық экономикалық комиссияның Экономика және қаржы саясаты министрінің хатшылығын басқарды.
Астана қаласы Статистика департаментінде басшының орынбасары, бастығы қызметтерін де атқарған. Осы жылдары ҚР Қаржы министрінің кеңесшісі, Премьер-Министрдің орынбасары, Премьер-Министрі болды.
"Адырна" ұлттық порталы
