Қазақстан ауыр атлетика федерациясы Владимир Седовтың өліміне қатысты мәлімдеме жасады, деп хабарлайды «Адырна» тілшісі.
Федерация ұжымы спортшының отбасы мен туған-туыстарына көңіл айтты.
«Ол бала кезінен қазақстандық спортқа берілген. 2008 жылғы олимпиадада 84 келіге дейінгі санатта төртінші орын иеленді. Үздік жетістіктері үшін «Құрмет» орденімен марапатталған». Ауыр атлетика федерациясы Владимир Седовтың отбасына бес миллион теңге көлемінде көмек көрсетеді, сондай-ақ ұлын тәрбиелеуде қажетті қолдау жасайды»,—делінген хабарламада.
Еске салайық, ауыр атлеттің қайтыс болғаны 27 маусым күні таңертең белгілі болды. Туыстары оның суицид жасағанын мәлімдеді.
