Батыс Қазақстан облысының киберполицейлері ресейлік "жалдамалы алаяқтың" ұсталғанын хабарланды. Күдікті уақытша ұстау изоляторына қамалған, деп хабарлайды "Адырна" ұлттық порталы polisia.kz-ке сілтеме жасап.
29 шілдеде Батыс Қазақстан облыстық полиция департаментініңCyberPol қызметкерлері көкшетаулық әріптестерімен бірлесіп, Ресей азаматын құрықтады. Полицияның хабарлауынша, Ресей азаматы Қазақстанда алаяқтықпен айналысқан. Оның 24 жастағы Х. есімді Мәскеу тұрғыны екендігі анықталды.
Оның Көкшетауда жүріп, алаяқтықпен 12 млн теңгеден астам ақшаны иемденгені белгілі болды.
Күдікті Оралдағы полиция басқармасына қарасты уақытша ұстау изоляторына қамауға алынды. Тергеу жүріп жатыр.
Оның осыған ұқсас басқа да қылмысқа қатысы бар-жоғы тексерілмек.
"Адырна" ұлттық порталы
