Журналист Сандуғаш Дүйсенова кепілмен босатылды, деп хабарлайды «Адырна» тілшісі ҚазТАГ-қа сілтеме жасап.
«БАҚ өкілі түнде кепілмен босатылды»,—делінген хабарламада.
Еске салайық, бұған дейін Қаңтарда Назарбаев ескертішінің құлағанын түсірген журналистің қамауға алынғанын жазған едік. Алдын-ала мәліметтер бойынша ол Қылмыстық кодекстің 147-бабы (Жеке өмiрге қолсұғылмаушылықты және Қазақстан Республикасының дербес деректер және оларды қорғау туралы заңнамасын бұзу) бойынша ұсталған болуы мүмкін.
Сандуғаш Дүйсенова Жетісу мен Алматы облыстарында әлеуметтік мәселелерді көтеріп жүрген журналист ретінде кеңінен танымал. Оның Қаңтар оқиғасы кезінде экс-президент Нұсұлтан Назарбаевтың демонстранттар тұғырынан құлатқан ескерткішін түсірген суреті кең таралған еді. Бұл туынды үшін журналист MediaCAMP Award 2022 халықаралық байқауының жеңімпазы атанды.
