جۋرناليست ساندۋعاش دۇيسەنوۆا كەپىلمەن بوساتىلدى، دەپ حابارلايدى «ادىرنا» ءتىلشىسى قازتاگ-قا سىلتەمە جاساپ.
«باق وكىلى تۇندە كەپىلمەن بوساتىلدى»،—دەلىنگەن حابارلامادا.ەسكە سالايىق، بۇعان دەيىن قاڭتاردا نازارباەۆ ەسكەرتىشىنىڭ قۇلاعانىن تۇسىرگەن ءجۋرناليستىڭ قاماۋعا الىنعانىن جازعان ەدىك. الدىن-الا مالىمەتتەر بويىنشا ول قىلمىستىق كودەكستىڭ 147-بابى (جەكە ومiرگە قولسۇعىلماۋشىلىقتى جانە قازاقستان رەسپۋبليكاسىنىڭ دەربەس دەرەكتەر جانە ولاردى قورعاۋ تۋرالى زاڭناماسىن بۇزۋ) بويىنشا ۇستالعان بولۋى مۇمكىن. ساندۋعاش دۇيسەنوۆا جەتىسۋ مەن الماتى وبلىستارىندا الەۋمەتتىك ماسەلەلەردى كوتەرىپ جۇرگەن جۋرناليست رەتىندە كەڭىنەن تانىمال. ونىڭ قاڭتار وقيعاسى كەزىندە ەكس-پرەزيدەنت نۇسۇلتان نازارباەۆتىڭ دەمونسترانتتار تۇعىرىنان قۇلاتقان ەسكەرتكىشىن تۇسىرگەن سۋرەتى كەڭ تارالعان ەدى. بۇل تۋىندى ءۇشىن جۋرناليست MediaCAMP Award 2022 حالىقارالىق بايقاۋىنىڭ جەڭىمپازى اتاندى.
