Алматыда барахолка маңындағы ірі өрт ауыздықталды. Бұл туралы Төтенше жағдайлар министрлігі айтты, деп хабарлайды «Адырна» тілшісі.
«Өрт сөндірушілердің күшімен 2 250 шаршы метр аумақтағы өрт оқшауланды»,—деді басқарма.
Айта кетейік, бүгін, 12 тамызда сағат 07:16-да Алматының Жетісу ауданында Москвин көшесіндегі қоймалар өртенгенін жазған едік.
Өртті сөндіруге төтенше жағдайлар департаментінің 25 техникасы, 85 адамы, сондай-ақ қаланың өзара іс-қимыл қызметі жұмылдырылды.
