Шығыс Қазақстан облысында 19 жастағы жігіт Ертіс өзені арқылы өтетін автокөлік көпірінен секіріп, өз-өзіне қол жұмсамақ болды, деп жазады "Адырна" порталы.
Құтқарушылар оқиға орнына жігіт әлі көпірде тұрған кезде жеткен, ал полицейлер оны ойға алған әрекетінен тайдырмақ болған, деп хабарлады ШҚО Төтенше жағдайлар департаменті.
Әңгімелесу барысы босқа болып, жас жігіт кенеттен көпірден суға секірді. Төтенше жағдайлар қызметі оған құтқару заттарын лақтырғанымен, жігіт еш әрекет жасамады. Құтқарушылар оны судан еркінен тыс шығаруға мәжбүр болды. Жағада оларды жедел жәрдем қызметкерлері күтіп алды.
