Әскери полиция қызметкері қарт әйелді өрттен аман алып шықты, деп хабарлайды "Адырна" ұлттық порталы El.kz-ке сілтеп.
17 қарашада Талдықорған қаласының Өтенай шағын ауданындағы Ыбыраймолдаев көшесіндегі тұрғын үйден өрт шыққан.
Сол күні демалыста болған Жетісу гарнизоны әскери полиция бөлімінің әскери қызметшісі кіші сержант Ерлік Қанашев жанұшыр айқайлаған дауысты естіп, көмекке асыққан. Өртке оранған тұрғын үйге кіріп, өздігінен қозғала алмайтын егде жастағы әйелді сыртқа алып шыққан.
Батырлық танытқан қызметкер ас үйдегі жерден 25 литрлік газ баллонын сыртқа алып шығып, жарылыстың алдын алған.
Көмекке өрт сөндірушілер келіп, қызыл жалынды құрықтаған.
