Астаналық 19 жастағы мәнерлеп сырғанаушы Рахат Бралин Эстонияда мәнерлеп сырғанаудан өткен турнирде күміс медаль жеңіп алды, деп хабарлайды әкімнің баспасөз қызметі. Бұл туралы «Адырна» ұлттық порталы жазады.
«Рахат Бралин Эстонияда өтіп жатқан ересектер арасындағы Tallinn Tropfy-2023 халықаралық турнирінде күміс медаль жеңіп алды», - делінген хабарламада.
Екі бағдарламаның қорытындысы бойынша Рахат Бралин 194,08 ұпай жинап, екінші орынды иеленді. Астаналық қысқа бағдарламада үшінші, еркін бағдарламада екінші болды. Мәнерлеп сырғанау турнирінің алтынын 195,90 ұпаймен израильдік Лев Винокур жеңіп алса, үздік үштікті украиналық Кирило Марсак (193,23 ұпай) түйіндеді.
«Адырна» ұлттық порталы
