ASSYLTAS قوعامدىق قورى «100 ولەڭ» بايقاۋىنا وتىنىشتەر قابىلداۋ باستالعانىن حابارلايدى.
بۇل جوبا — قازاق اقىندارىنىڭ ولەڭدەرىن جاتتاۋ سايىسى. ابايدان باستاپ، شاكارىم، ماحامبەت، مۇقاعالي تاعى دا باسقا تانىمال اقىنداردىڭ ولەڭدەرى توپتاستىرىلعان. سايىسقا قاتىسۋشى 100 كۇن ىشىندە بارلىق ولەڭدى جاتتاپ الۋى ءتيىس.
توپتاستىرىلعان ولەڭدەر جيناعى 1 ءساۋىر كۇنى بايقاۋعا قاتىسۋشىلارعا بەرىلمەك.
ASSYLTAS قوعامدىق قورىنىڭ جەتەكشىسى راۋان وقاستىڭ ايتۋىنشا، بيىل دا جەڭىمپازعا اۆتوكولىك سىيعا بەرىلەدى.
"بۇعان دەيىن 4 جىل قاتارىنان جەڭىمپازدارعا اۆتوكولىك سىيلاپ كەلدىك. بيىل دا جەڭىمپاز سۋ جاڭا تەمىر تۇلپاردى تىزگىندەيدى. فينالدىق سايىسقا وتكەن قاتىسۋشىلاردىڭ ەشقايسىسى جۇلدەسىز قايتپايدى. بيىلعى بايقاۋ ءۇش بايتەرەك ساكەن، ءىلياس، بەيىمبەتتىڭ 130 جىلدىعىنا ارنالادى”-دەدى، ر.وقاس.
