قاراعاندىنىڭ كوممۋنالدىق قىزمەتتەرى قالا كوشەلەرىنەن ءبىر جارىم تونناعا جۋىق قوقىس شىعاردى، دەپ حابارلايدى "ادىرنا" ءتىلشىسى.
قاراعاندىدا سانيتارلىق تازارتۋ ايلىعى باستالدى.
تەك سوڭعى 10 كۇندە كوممۋنالدىق قىزمەتتەر شامامەن 1450 توننا قوقىس شىعاردى.
كۇن سايىن قالانىڭ ەكى اۋدانىندا 200-دەن استام ادام تازارتۋ جۇمىستارىمەن اينالىسادى.
ولار كوشەلەردە، جول بويىنشا شاشىلىپ جاتقان قوقىستاردى جينايدى، قورشاۋلاردى، ايالداما پاۆيلوندارىن جۋادى، تروتۋارلار مەن جول جيەكتەرىن تازالايدى.
155 بىرلىك ارنايى تەحنيكا جۇمىلدىرىلدى.
كوممۋنالدىق قىزمەتكەرلەردىڭ ايتۋىنشا، اۋماقتى تازارتۋ اۋا-رايىنىڭ قولايسىزدىعىنا بايلانىستى قيىندايدى: بارلىق دەرلىك جەرلەر كەۋىپ ۇلگەرمەگەن.
قاراعاندىدا 13 ساۋىردە جالپىقالالىق سەنبىلىك وتەدى، وعان بارلىق مەملەكەتتىك ورگاندار، پيك جانە بەلسەندى تۇرعىندار قاتىسادى.
ەكى اۋدان اكىمدىكتەرىمەن قوقىس جيناۋعا ارنالعان قاپتار ۇسىنىلاتىن بولادى. بارلىق قالدىقتاردى كوممۋنالدىق قىزمەتتەر شىعارادى.
