اتىراۋ قالاسىنداعى مەيرامحانا يەسى بەلگىلى ءانشى قايرات نۇرتاستى سوتقا بەردى. بۇل تۋرالى AtyrauPress جاريالادى، دەپ حابارلايدى “ادىرنا” ۇلتتىق پورتالى.
اقپاراتتا حابارلاعانداي، كەشە اتالعان ءىستى الماتى وبلىسىنىڭ سوتى ونلاين-رەجيمدە قاراعان. ءانشى جاڭا جىلدىق كورپوراتيۆ كەشىندە ونەر كورسەتۋى ءتيىس بولعان. الايدا، ۇيىمداستىرۋشىلار ءانشىنىڭ شامامەن 5 ملن تەڭگە بولاتىن شىعىستارىن جابا المايتىندىقتان، كونتسەرتتى وتكىزبەيتىن بولىپ شەشىم قابىلداپ، بۇل جونىندە ونى 42 كۇن بۇرىن ەسكەرتكەن.
جابىرلەنۋشىنىڭ ايتۋىنشا، ول ءانشىنىڭ اناسى گۇلزيرا ايداربەكوۆامەن اۋىزشا كەلىسكەن. ال 1000 دوللار كولەمىندەگى اۆانس سوماسىن الماتىدا ءانشىنىڭ وكىلدەرىنە بەرگەن.
«كونتسەرتتىڭ وتپەيتىنىن ايتقانىمدا مەنەدجەر اقشانىڭ قايتارىلمايتىنىن ماعان وتە دورەكى تۇردە جەتكىزدى. كەيىن اۋديوجازبالارىن ءوشىرىپ تاستادى. مەن ءارتىستى سوتقا بەردىم. ءبىرىنشى وتىرىستا جەڭىلىپ قالدىق، بىراق مەن تاعى دا شاعىمداندىم. سەبەبى، اقشامدى قايتارعىم كەلەدى»،- دەيدى كاسىپكەر ولگا حۆان.
مالىمەت بويىنشا، سوت جابىرلەنۋشىنىڭ تالابىن قاناعاتتاندىرمادى. ەندى ول جوعارى سوتتا التى اي ىشىندە سوت شەشىمىنە شاعىمدانا الادى.
