تاياۋ شىعىستاعى گەوساياسي احۋالدىڭ ۋشىعۋىنا بايلانىستى قازاقستاننىڭ كولىك مينيسترلىگى ازاماتتىق اۆياتسيا كوميتەتى بىرقاتار ەلدەردىڭ اۋە كەڭىستىگى ارقىلى ۇشۋعا ۋاقىتشا تىيىم سالدى، دەپ حابارلايدى “ادىرنا” ۇلتتىق پورتالى.
كوميتەت مالىمەتىنشە، يران، يزرايل، سيريا، يراك، يوردانيا جانە ليۆان اۋماعىندا، سول ەلدەردىڭ اۋە كەڭىستىگىندە جانە وعان جاقىن ايماقتاردا بارلىق ۇشۋلارعا شەكتەۋ قويىلادى. تىيىم ارنايى بۇيرىق شىققانعا دەيىن كۇشىندە بولادى.
ازاماتتىق اۆياتسيا كوميتەتى بۇل شەكتەۋ وتاندىق اۋە تاسىمالداۋشىلارعا قاتىستى ەكەنىن ەسكەرتىپ، تۋريستەردى جاعدايدى مۇقيات باقىلاپ، اسىرەسە بىرىككەن اراب امىرلىكتەرى مەن پارسى شىعاناعى ەلدەرىنە جوسپارلانعان ساپارلارىن قايتا قاراۋعا شاقىردى.
«اتالعان وڭىردەگى احۋال وزگەرگەن جاعدايدا، قازاقستاننىڭ اۆياتسيالىق اكىمشىلىگىنىڭ اۆياتسيالىق قاۋىپسىزدىك دەپارتامەنتى قوسىمشا اقپاراتپەن قامتاماسىز ەتەدى»، – دەلىنگەن رەسمي حابارلامادا.
سونداي-اق، قازاقستاننىڭ يزرايلدەگى ەلشىلىگى دە تاياۋ شىعىستاعى جاعدايعا بايلانىستى ارنايى ۇندەۋ جاريالاپ، قازاقستان ازاماتتارىن قاۋىپسىزدىك شارالارىن ساقتاۋعا شاقىردى.
ۇقساس جاڭالىقتار
