Абхазияда парламент ғимаратының жанында атыс болып, бір депутат қаза тауып, екі депутат жараланды, деп хабарлайды "Адырна" ұлттық порталы.
Sputnik Абхазия агенттігі Бас прокурордың орынбасары Руслан Тыркба ақпаратты растағанын хабарлады.
Жергілікті биліктің мәлімдемесінде оқиға орнына жедел-тергеу тобы аттанған. Денсаулық сақтау министрлігі депутаттар Кан Кварчия мен Вахтаги Голандзияның Абхазия парламенті маңындағы атыс салдарынан жараланғанын, екеуі де республикалық аурухананың жансақтау бөліміне жатқызылғанын хабарлады.
Депутат Голандзияның алған жарақатынан қайтыс болғаны белгілі болды. ІІМ парламент маңындағы атысқа күдікті депутат Адгур Харазия екенін хабарлады. Ол қылмыс орнынан бой тасалағаны хабарланды.
