Францияның Страсбург қаласында 11 қаңтар күні екі трамвай соқтығысып, ондаған адам жарақат алғаны анықталды, деп хабарлайды "Адырна" ұлттық порталы BFMTV телеарнасына сілтеп.
Ел полициясы оқиғаға қатысты мәлімдеме жасады.
«Сенбі күні Страсбург теміржол вокзалында екі трамвай соқтығысты. 30 адам орташа ауыр жарақат алды, олардың 15-і ауруханаға жеткізілді», – делінген хабарламада.
Оқиға теміржол бағыттарын ауыстыру кезіндегі қате салдарынан орын алған болуы мүмкін деп болжануда. Трамвай жүргізушілері зардап шеккен жоқ.
