Қостанай облысындағы Новоселовка ауылында бруцеллездің өршуіне байланысты карантин енгізілді. Бұл туралы "Наша Газета" жазды, деп хабарлайды “Адырна” ұлттық порталы.
Ақпаратқа сәйкес, Карантин "ИНСПЭК" ЖШС аймағында енгізіліп отыр. Ол жерде ірі қара малдың арасында бруцеллез анықталды.
"Осыған байланысты ЖШС аймағы арқылы жануарларды айдап өткізуге, сау малды кіргізуге, ол жерден малды шығаруға, жеп-шөп дайындауға, сондай-ақ, жануарлар мен адамдар көп жиналатын шаралар өткізуге тыйым салынған", - делінген жергілікті әкімдіктің қаулысында.
Бруцеллез анықталған жерде қажетті ветеринарлық-санитарлық шаралар өткізіледі. Бірақ малды сою үшін шығаруға болады.
Айта кетсек, бруцеллезбен ауратын малды санитарлық жолмен союға рұқсат берілген.
