قازاقستاندا كوروناۆيرۋس ينفەكتسياسىنا بايلانىستى ەپيدەميولوگيالىق جاعداي تۋرالى دەنساۋلىق ساقتاۋ مينيسترلىگى مالىمدەمە جاسادى، دەپ حابارلايدى "ادىرنا" ۇلتتىق پورتالى.
مينيسترلىكتىڭ ءباسپاسوز قىزمەتى قازىرگى ۋاقىتتا جاعداي تۇراقتى ەكەنىن، الايدا ماماندار قازاقستاندا دا، الەمدە دە اۋرۋشاڭدىق دەڭگەيىنە اپتا سايىن مونيتورينگ جۇرگىزىپ وتىرعانىن اتاپ ءوتتى. اپتاسىنا رەسپۋبليكا بويىنشا ورتا ەسەپپەن 25 جاعداي تىركەلەدى.
«2025 جىلدىڭ باسىنان بەرى ەلىمىزدە كوروناۆيرۋس ينفەكتسياسىنىڭ 329 راستالعان جاعدايى تىركەلدى. ءولىم جاعدايلارى بولعان جوق. 2024 جىلدىڭ سايكەس كەزەڭىمەن سالىستىرعاندا اۋرۋشاڭدىق 3,7 ەسە ازايدى»، – دەلىنگەن مينيسترلىك حابارلاماسىندا.
ينفەكتسيالىق توسەكتەردىڭ جۇكتەمەسى – 27%، ال جانساقتاۋ بولىمىندە – 2%. قازىرگى كەزدە كوروناۆيرۋسپەن اۋىرىپ جاتقان ەكى ناۋقاس ستاتسيونارلىق ەم قابىلداپ جاتىر، ەكەۋىنىڭ دە جاعدايى ورتاشا اۋىرلىقتا.
مينيسترلىك مالىمەتىنشە، قازاقستاندا دا، بۇكىل الەمدە دە العاش رەت 2022 جىلى انىقتالعان «وميكرون» شتامىنىڭ تۇرلەرى ءالى دە اينالىمدا ءجۇر.
«وميكرون» شتامى 30-دان استام مۋتاتسيانى قامتيدى جانە اۋرۋ جەڭىل وتەتىندىگىمەن ەرەكشەلەنەدى. سوندىقتان بۇل شتام ستاتسيونارلىق ەمدەۋدى قاجەت ەتپەيدى. اۋرۋدىڭ نەگىزگى بەلگىلەرى – جوعارعى تىنىس جولدارىنىڭ زاقىمدانۋى، مۇرىن بىتەلۋى، تاماقتىڭ اۋىرۋى، جوتەل»، – دەپ ءتۇسىندىردى ماماندار.
