Қытай билігі коронавирус тудырған Ковид-19 эпидемиясының ошағы Хубэй провинциясының тұрғындарына карантинді күшейтті. 60 миллион адамға төтенше жағдайларға байланысты үйден шықпауға бұйырылған. Бұл туралы Би-Би-Си-ге сілтеме жасап, "Адырна" порталы хабарлайды.
16 ақпанда Қытайда коронавирус ауруынан 107 адам қайтыс болды, сенбіде 139 адам қайтыс болды.
Жалпы, індет басталғаннан бері 1771 адам қайтыс болды. Билік инфекциялар мен өлім-жітім саны азайып, вирустың таралуы бақылауда екенін айтты.
Хубейде отбасының тек бір мүшесіне үш күнде бір рет үйден шығуға рұқсат етіледі, ол өзіне қажет нәрсені - тамақ, дәрі-дәрмек және гигиена заттарын сатып алады. Ірі тұрғын үй кешендерінде тұратын адамдар бұны бақылау-өткізу пункттері арқылы жүзеге асыра алады.
Дәріханалар, қонақ үйлер, азық-түлік дүкендері мен емханаларды қоспағанда, барлық кәсіпорындар мен компаниялар жабылды. Сатып алушылар мен тұтынушылар температураны өлшеуге міндетті.
Жеке көлікке, оның ішінде автомобильдерге, мотоциклдерге және велосипедтерге тыйым салынды. Жолдарда тек ресми көліктер мен жедел қызметтер - жедел жәрдем машиналары, өрт сөндіру машиналары мен жүк көліктері жүре алады.
Көршілес Уханның 5 миллион халқы бар Сяоган қаласында билік тұрғындарға үйлерінен шығуға толық тыйым салды. Өнімдер мен қажетті заттарды үйге жеткізіп беретіні туралы хабарланған. Билік режимді бұзушылар 10 күнге оқшауланады деп отыр.
Бейжіңде билік қалаға оралғандардың барлығын екі апталық міндетті карантинге жіберуді бұйырды. Талапты сақтамағаны үшін олар жазаға тартылуы мүмкін.
