Нұр-Сұлтан әкімі бала күтімімен отырған аналармен кездесті

2392
Adyrna.kz Telegram

Бүгін Нұр-Сұлтан қаласының әкімі Алтай Көлгінов бала күтімімен айналысатын ерекше қажеттілігі бар аналармен кездесті. Әкім бұл туралы инстаграм желісінде жариялады.

 

"Ерекше қажеттілігі бар балалардың күтімімен айналысып отырған аналармен кездестім. Кездесу барысында тұрғын үй, медициналық көмек және қосымша білім алу, жұмысқа орналасу, балаларды оңалту үшін жағдай жасау мәселелері көтерілді.

Осы бағыттар бойынша жүйелі жұмыс жүргізіліп жатыр. Оңалту орталықтарының желісін кеңейтеміз, ипподром базасында иппотерапиямен айналысуға арналған жабық манеждің құрылысы басталды. Сонымен бірге жаңа тұрғын үй кешендерінің бірінші қабатында әлеуметтік нысандар ашылады (балаларға арналған шағын орталықтар, оңалту орталықтары, балабақшалар). Инватакси саны екі есе артты.
Медициналық көмек алуға, жұмысқа орналасуға және қосымша білім алуға көмектесеміз.

Кездесуде айтылған мәселелер жұмысқа алынды", - делінген жазбасында.

"Адырна" ұлттық поталы

Пікірлер