Жеңіліс дәмін татпаған америкалық боксшы Флойд Мейвезер танымал YouTube-блогер Логан Полмен жекпе-жек өткізетінін хабарлады. Айқас 2021 жылдың 20 ақпанына жоспарланған, деп хабарлайды "Адырна" ұлттық порталы.
Кездесудің қайда өтетіні қазірше белгісіз. isport.ua-дың дерегінше, трансляцияны қазірдің өзінде 24,99 долларға сатып алуға болады екен. Соңғы рет Мейвезер 2018 жылдың 31 желтоқсанында Токиода шаршы алаңға шығып, Тенсин Насукаваны бірінші раундта нокаутқа жіберген болатын.
25 жастағы Полдың рингтегі дебюті 2019 жылдың қараша айында өткен. Ол кезде төрешілердің шешімімен жеңіс KSI деген атпен танымал блогерге берілген.
Полдың YouTube-арнасына 20 млн-нан астам адам жазылған.
Сурет Reutersтен алынды
