Microsoft كومپانياسىنىڭ نەگىزىن قالاۋشى بيلل گەيتس پاندەميادان كەيىن ادامزاتقا تونەتىن ەكى نەگىزگى قاۋىپتى اتادى. بۇل تۋرالى ول Veritasium YouTube ارناسىنا بەرگەن سۇحباتىندا ايتتى، دەپ حابارلايدى «ادىرنا» ءتىلشىسى.
العاشقى قاتەر - كليماتتىڭ وزگەرۋى. گەيتستىڭ ايتۋىنشا، الەم بۇل سىناققا دايىن ەمەس. ول جىل سايىن وسى فاكتورعا بايلانىستى تۋىندايتىن ءولىم دەڭگەيى كوروناۆيرۋستىق پاندەميا كەزىندەگىگە قاراعاندا الدەقايدا كوپ بولاتىنىن اتاپ ءوتتى.
كاسىپكەر ەكىنشى قاۋىپكە بيوتەرروريزمدى جاتقىزدى.
«الەمگە زيانىن تيگىزگىسى كەلەتىندەر قاۋىپتى ۆيرۋس ويلاپ تابا الادى. تابيعي ىندەتكە قاراعاندا بۇل ماسەلەگە تاپ بولۋ ىقتيمالدىعىمىز جوعارى»،-دەدى ول.
«ادىرنا» ۇلتتىق پورتالى
