Жамбыл облысы Жаңатас қаласындағы өрт салдарынан жапа шеккен отбасыға пәтер берілді. Бұл туралы облыс әкімінің баспасөз қызметі мәлімдеді, деп хабарлайды "Адырна" ұлттық порталы.
"Балалардың ата-анасына демеушілер есебінен Жаңатас қаласынан 3 бөлмелі пәтер берілді, ал Сарысу ауданының кәсіпкерлері баспанаға қажетті жиһаз бен техника алып берді. Қоғамдық ұйымдар, демеушілермен 3 млн теңгеден астам қаржы жиналып, материалдық көмек көрсетілді" делінген облыс әкімдігі таратқан хабарламада.
Сонымен қатар мемлекеттік қызметкерлер бір күндік жалақысын көмек ретінде жолдайтын болды.
Еске сала кетейік, Жамбыл облысы Жаңатас қаласы 2 ықшамаудандағы 5 қабатты тұрғын үйдің 3-ші қабатында өрт болған. Пәтер ішінде ата-ананың қарауынсыз кәмелет жасына толмаған 2015, 2016, 2017, 2019 және 2020 жылдары туған 5 бала қалған.
Өрт болған уақытта үйдің отағасы жұмыста болғаны, ал анасы дүкенге шығып кеткені хабарланды. Түтінге уланған балалар жедел түрде ауруханаға жеткізілгенімен, араға біраз уақыт салып көз жұмған.
Жамбыл облыстық полиция департаменті бастығының бірінші орынбасары Бақыт Ратаев өрттің шығу себебін айтқан.
