رەسەيدىڭ براتسك قالاسىندا 2008 جىلى تۋعان قىز توق سوعىپ كوز جۇمدى، ول جۋىناتىن بولمەگە تەلەفون الىپ كىرگەن. تەكسەرىس باستالدى، دەپ حابارلادى رف تەرگەۋ كوميتەتى وڭىرلىك دەپارتامەنتىنىڭ ءباسپاسوز قىزمەتى.
"تەرگەۋشىلەر قىزدىڭ ۇيالى تەلەفونمەن ۆانناعا كىرگەنىن انىقتادى. وقيعا ورنىندا كامەلەتكە تولماعان قىزدىڭ قولىنان جەلىگە قوسىلعان قۋاتتاۋ قۇرىلعىسىنىڭ سىمى تابىلدى. سوت-مەديتسينالىق ساراپتاما قورىتىندىسى بويىنشا ولىمگە ەلەكتر جاراقاتى سەبەپ بولعان. تەرگەۋ ءبولىمى تەرگەۋگە دەيىنگى تەكسەرىستى باستادى", - دەلىنگەن حابارلامادا.
تەرگەۋشىلەر وقيعانىڭ ءمان-جايىن انىقتايدى. تەكسەرىس قورىتىندىسى بويىنشا پروتسەسسۋالدىق شەشىم قابىلدانادى.
