Аяжан Еділованы өлтірді деген күдікті екінші курста медициналық академиядан оқудан шығарылған, деп хабарлайды “Астана” телеарнасы.
"Астана" телеарнасының хабарлауынша, кінәлі Шымкент медициналық академиясында фармацевтке оқыған.
Күдікті оқу орнына 2013 жылы грантқа түсіп, үлгерімі нашар болғандықтан, оқудан шығарылды.
Оқытушылар ол ешкіммен жанжалдаспайтын адам болғанын айтты. Тәртібіне байланысты шағым түспеген. Сондықтан бұрынғы студенттің ұсталғаны оқытушылар үшін күтпеген жағдай болды.
Ал мектепте үлгерімі өте жақсы деп бағаланған. Ол кезде күдіктінің ата-анасы педагог болды. Отбасында тағы екі бала бар.
Егер ұсталған адамның кінәсі дәлелденсе, ол 15 жылдан 20 жылға дейін сотталуы немесе өмір бойына бас бостандығынан айырылуы мүмкін.
