Алматыда автомобиль катализаторларын ұрлағандар ұсталды, деп хабарлайды "Адырна" ұлттық порталы Polisia.kz сайтына сілтеме жасап.
Қалалық криминалдық полицияның хабарлауынша, үш адамнан тұратын топ болған. Олардың екеуі Шығыс Қазақстандықтар.
"Қазіргі кезде олардың Әуезов және Алатау аудандары аумағындағы ұрлықтың төрт фактісіне қатыстылығы тергеу және жедел-іздестіру шараларымен дәлелденді, олар катализаторды кесіп, содан кейін сатқан. Мүмкін, қылмыскерлер саны біз болжағаннан да көп болуы мүмкін. Осыған байланысты жедел іс-шаралар кешені жүргізілуде. Тергеу аясында ұсталғандар уақытша ұстау изоляторына қамалды", - деді Алматы қалалық полиция басқармасы бастығының орынбасары Берік Әбілбеков.
"Адырна" ұлттық порталы
