Оппозициялық белсенді Жанболат Мамай Facebook желісіндегі ресми парақшасында Бауыржан Байбекпен болған дауға қатысты сот шешіміне пікір білдірді, деп хабарлайды «Адырна» тілшісі.
«Бауыржан, соттың шешімі сен үшін ешқандай да жеңіс емес. Халықтың алдында сенің жемқор әрі ұры екеніңді толық дәлелдедік. Абыройыңнан айрылдың. Барлық былығың шықты. Соттың материалдарды өшіру туралы шешімі орындалмайды! Ол нағыз шындық!»— деді ол.
Айта кетейік, кеше Әуезов аудандық №2 сотында "Нұр Отан" партиясы төрағасының бірінші орынбасары Бауыржан Байбек пен саяси белсенді Жанболат Мамай арасындағы дауға қатысты сот шешімі оқылғанын хабарлаған едік. Сот Жанболат Мамайды шенеунік жайлы шығарған фильмді өшіруге міндеттеді.
«Адырна» ұлттық порталы
