Жамбыл облысында болған атыста бес адам жараланды, деп хабарлайды «Адырна» ұлттық порталы Polisia.kz сайтына сілтеме жасап.
Оқиға 15 маусымда болған. Полиция Сарысу аудандық орталық ауруханасынан 20, 22, және 24 жастағы бес тұрғынның бытыралы оқтан жарақат алғаны туралы хабарлама алған.
Полиция қызметкерлері жанжал кезінде ер адам жәбірленушілерге оқ атқанын анықтаған.
22 жастағы күдікті ұсталды. Айыпталушы кінәсін толық мойындады. Сонымен қатар қазір ол уақытша ұстау изоляторында. Қажетті сараптамалар да тағайындалды.
Айта кетейік, аталған факті бойынша сотқа дейінгі тергеу амалдары басталды.
"Адырна" ұлттық порталы
