70-كە جۋىق مەديتسينا قىزمەتكەرى قر دەنساۋلىق ساقتاۋ مينيسترلىگىنىڭ العىس حاتتارىمەن جانە قۇرمەت گراموتالارىمەن ماراپاتتالدى.
بۇگىندە اتىراۋ وبلىسىندا 6575 مەديتسينا قىزمەتكەرى بار ، ونىڭ 1479-ى – دارىگەر، 5096-ى ورتا جانە كىشى بۋىن قىزمەتكەرلەرى.
پاندەميا كەزىندە ولاردىڭ بارلىعى كوروناۆيرۋستىق ينفەكتسيامەن كۇرەسۋگە ءوز ۇلەستەرىن قوستى.
– الەمدىك پاندەميا كەزىندە «قىزىل» ايماقتا جۇمىس ىستەپ كۇش-جىگەرىن اياماعان دارىگەرلەردىڭ ،اق حالاتتى ابزال جانداردىڭ جانقيارلىعى مەن باتىلدىعىنا كۋا بولدىق. سىزدەر مىڭداعان وتباسىلاردىڭ قايتا قاۋىشۋىنا، باقىتتى بولاشاققا ءۇمىت سىيلادىڭىزدار. سىزدەرگە زور دەنساۋلىق تىلەي وتىرىپ، كاسىبي مەرەكە قارساڭىندا شىن جۇرەكتەن قۇتتىقتاۋعا رۇقسات ەتىڭىزدەر!– دەدى اتىراۋ وبلىسى اكىمىنىڭ ورىنباسارى باقىتگۇل حامەنوۆا.
سالتاناتتى شارا بارىسىندا 13 مەديتسينا قىزمەتكەرىنە وبلىستىق ءماسليحاتتان، 18 مەديتسينا قىزمەتكەرىنە وبلىس اكىمىنىڭ اتىنان، 12 ادامعا قر دەنساۋلىق ساقتاۋ مينيسترلىگىنەن العىس حاتتار تابىستالدى.
13 دارىگەر مەن مەدبيكە دەنساۋلىق ساقتاۋ سالاسىنداعى ۇزدىك قىزمەتكەرلەر اتانسا، 14 ادام دەنساۋلىق ساقتاۋ مينيسترلىگىنىڭ قۇرمەت گراموتالارىمەن، 8-ءى دەنساۋلىق ساقتاۋ سالاسىن دامىتۋعا قوسقان ۇلەسى ءۇشىن ماراپاتتالدى.
