وزبەكستاننىڭ الەۋمەتتىك جەلى قولدانۋشىلارى اراسىندا بالالار اراسىندا بەلگىسىز اۋرۋ تاراپ جاتقانى جايلى اقپاراتتار جەلدەي ەسۋدە. وسىعان بايلانىستى تاشكەنت قالاسىنىڭ بەلگىلى دارىگەرى مەكتەپتەر مەن بالاباقشالاردى 10 كۇندىك كارانتينگە جابۋعا شاقىردى.
وزبەكستاننىڭ دەنساۋلىق ساقتاۋ مينيسترلىگى دارىگەر كاسىبي ەتيكانى ساقتاپ، الدىمەن اۋرۋ قاۋپى جايلى مينيسترلىككە حابارلاۋى ءتيىس دەگەن ويدا. "ەگەر اقپارات راس بولسا ءبىز ءتيىستى شارالاردى قابىلدار ەدىك" دەيدى مينيسترلىك. مينيسترلىك بالالاردىڭ ءجيى اۋىرۋى ماۋسىمدىق كەزەڭگە ساي دەپ وتىر.
«تۇماۋ بەلگىسىمەن اۋرۋحاناعا ءتۇسىپ جاتقان بالالاردىڭ بارلىعىندا ماۋسىمدىق كەزەڭگە بايلانىستى سۋىق تيۋ دەسەك بولادى. ناقتى ەمنەن كەيىن ولار 3-4 كۇننىڭ ىشىندە جازىلىپ شىعۋدا. سوندىقتان مەكتەپتەر مەن بالاباقشالاردى جابۋدىڭ ەش قاجەتتىلىگى جوق»، - دەپ حابارلادى مينيسترلىكتىڭ ءباسپاسوز قىزمەتى.
"ادىرنا" ۇلتتىق پورتالى
