Алтын шоқы Ұлытау ауданы, Ұлытау шоқысы маңында орналасқан.
XV ғ. жататын бұл тарихи орынның тарихына келер болсақ, Ұлытау жотасында (Қарағанды облысы ) Әмір Темір (1336 - 1405) белгі қалдырған тау. Алтын Орда ханы Тоқтамысқа қарсы жорыққа шыққан Әмір Темір Ұлытауға келгенде Алтын шоқының басына үлкен құлпытас орнатуға бұйрық берген. Ол тасқа шеберлер мынадай сөздерді қашап жазған:
"Тарихтың жеті жүз тоқсан екінші қой жылы, жаздың ара (шілде) айы. Тұранның сұлтаны Темірбек жүз мың әскерімен Тоқтамыс ханға соғыспаққа жүреді. Бұл жерден өтіп бара жатып, белгі болсын деп осы жазуды қалдырды. "Тәңірі нәсіп берсін. Іншалла, тәңірі бұл кісіге рақым қылып, барша адам есіне алып жүрсін".
Құлпытасты академик Қ.Сәтбаев 20 ғасырдың 30-жылдары экспедициялық жұмыстар кезінде тапқан. Қазір Санкт-Петербургтегі Эрмитажда сақтаулы. Жазудың түпнұсқасындағы тілі қазіргі қазақ тіліне өте жақын.
“Рухани жаңғыру” бағдарламасы аясында
Қарағанды облысы әкімдігінің мәдениет,
архивтер және құжаттама басқармасы мен
“Адырна”ұлттық порталының бірлескен жобасы
