— 2015 جىل 26 ساۋىردە كەزەكتەن تىس پرەزيدەنت سايلاۋى ءوتتى. پرەزيدەنت ورىنتاعى ءۇشىن ءۇش ۇمىتكەر سىنعا ءتۇسىپ، ناتيجەسىندە، نۇرسۇلتان نازارباەۆ سايلاۋشىلاردىڭ 97,7 پايىزدىق داۋىسىنا قول جەتكىزىپ، ايقىن باسىمدىقپەن جەڭىسكە جەتتى.
— 2015 جىلدىڭ جانە ءبىر ەرەكشەلىگى — 7 مامىردا ەلىمىزدىڭ تۇكپىر-تۇكپىرىندە وتان قورعاۋشى كۇنى مەن ۇلى جەڭىستىڭ 70 جىلدىعى كەڭ كولەمدە اتالىپ ءوتتى.
— 2015 جىل 2 قىركۇيەكتە قازاقستان تاريحىنداعى ءۇشىنشى عارىشكەر — ايدىن ايىمبەتوۆ عارىشقا سامعاپ، حالىقارالىق ەكيپاجدىڭ قۇرامىندا حالىقارالىق عارىش ستانساسىنا اتتاندى.
-2015 جىل 11 قىركۇيەكتە قازاقستان پرەزيدەنتى نۇرسۇلتان نازارباەۆ قازاق حاندىعىنىڭ 550 جىلدىعىنا ارنالعان سالتاناتتى جينالىسقا قاتىسىپ، ءسوز سويلەدى.
— 2015 جىل 8 قازاندا جامبىل وبلىسىنىڭ تاراز قالاسىندا قازاق حاندىعىنىڭ 550 جىلدىعىنا ارنالعان اۋقىمدى ءىس-شارالار ءوتتى. بۇل شارالارعا جامبىل وبلىسىنا جۇمىس ساپارىمەن بارعان ەلباسى نۇرسۇلتان نازارباەۆ قاتىستى.
