ەڭبەكشى اۋدانىندا «تازا قازاقستان» ەكولوگيالىق اكتسياسى اياسىندا سەنبىلىك ۇيىمداستىرىلدى. بۇل ءىس-شارا اۋدان تۇرعىندارىنىڭ ەكولوگيالىق مادەنيەتتىن ارتتىرۋعا، تازالىق پەن ءتارتىپتى ساقتاۋعا باعىتتالدى.
سەنبىلىككە اۋدان تۇرعىندارى، بەلسەندى جاستار جانە كوممۋنالدىق مەكەمەلەردىڭ قىزمەتكەرلەرى قاتىستى. اۋدان اۋماعىندا وتكەن تازالىق جۇمىستارى بارىسىندا اۋلالار مەن جول جيەكتەرى، سۋ ارنالارى مەن جاسىل ايماقتار تازارتىلىپ، اعاشتاردى قىرۋ جانە شوپتەردى ورۋ جۇمىستارى جۇرگىزىلدى.
قوعامدىق ءتارتىپ پەن قورشاعان ورتانى قورعاۋ ماقساتىندا جۇرگىزىلگەن جۇمىستار ناتيجەسىندە بارلىق قوقىستار شىعارىلىپ، «گرۋپپا ينتەكو» جشس-ءنىڭ 10-عا جۋىق تەحنيكاسى مەن ارنايى قۇرالدارى جۇمىلدىرىلدى. ءىس-شاراعا اتالعان سەرىكتەستىك پەن «ەڭبەكشى» كوممۋنالدىق مەكەمەسىنىڭ قىزمەتكەرلەرى دە اتسالىستى.
جالپى، شىمكەنتتە «تازا قازاقستان» باعدارلاماسى اياسىنداعى تازالىق ءىس-شارالارى تۇراقتى تۇردە جالعاسىپ كەلەدى. سەنبىلىكتەر قالانىڭ بارلىق اۋداندارىندا جاپپاي وتكىزىلۋدە. ءاربىر ءىس-شارادا اۋماقتار رەتكە كەلتىرىلىپ، قوقىستار جينالۋدا، تۇرعىنداردى تازالىقتى ساقتاۋ مەن قورشاعان ورتاعا ۇقىپتى قاراۋعا شاقىرىپ، جاۋاپكەرشىلىگىن ارتتىرۋعا ىقپال ەتۋدە.
