شىمكەنت قالاسىنىڭ پوليتسيا دەپارتامەنتىندە «ۇرپاقتار ساباقتاستىعى: سىبايلاس جەمقورلىققا قارسى ءىس-قيمىل – ءاربىر بۋىن مىندەتى» تاقىرىبىندا تاعىلىمدىق ءارى تاجىريبەلىك كەزدەسۋ ءوتتى.
ءىس-شارانىڭ باستى ماقساتى – سىبايلاس جەمقورلىققا قارسى ءىس-قيمىل تەتىكتەرىن ايقىنداۋ، زاڭدىلىق پەن قۇقىقتىق ءتارتىپتى نىعايتۋ، سونداي-اق ىشكى ىستەر ورگاندارىندا قىزمەتكە جاڭادان كەلگەن جاس مامانداردىڭ بويىندا ادالدىق، جاۋاپكەرشىلىك جانە كاسىبي ادەپ قاعيدالارىن قالىپتاستىرۋ بولدى.
كەزدەسۋگە ىشكى ىستەر ورگاندارىنىڭ ارداگەرلەرى، قر ۇلتتىق قاۋىپسىزدىك كوميتەتىنىڭ شىمكەنت قالاسى بويىنشا دەپارتامەنتى، مەملەكەتتىك قىزمەت ىستەرى اگەنتتىگىنىڭ شىمكەنت قالاسى بويىنشا دەپارتامەنتى، قر ءىىم ب.مومىشۇلى اتىنداعى وقۋ ورتالىعىنىڭ باسشىلارى ارنايى شاقىرىلىپ، جاس پوليتسيا قىزمەتكەرلەرى، وقۋ ورتالىعىنىڭ تىڭداۋشىلارى جانە «جاس ساقشى» سىنىپتارىنىڭ وقۋشىلارى قاتىستى.
جيىن بارىسىندا جەكە قۇرام اراسىنداعى ءتارتىپ پەن زاڭدىلىقتى قامتاماسىز ەتۋ، سىبايلاس جەمقورلىق تاۋەكەلدەرىنىڭ الدىن الۋ، قۇقىق بۇزۋشىلىقتاردى انىقتاۋ تاجىريبەسى جانە ولاردى بولدىرماۋ جولدارى تالقىلاندى. قوعام سەنىمىن ارتتىرۋداعى اشىقتىق پەن ادىلدىكتىڭ ماڭىزى اتاپ ءوتىلىپ، «زاڭ مەن ءتارتىپ» قاعيداتى قىزمەتتىڭ باستى باعدارى ەكەنى جەتكىزىلدى.
ارداگەرلەر جاس قىزمەتكەرلەرمەن تاجىريبە الماسىپ، كاسىبي جولداعى ادال قىزمەت پەن وتان الدىنداعى جاۋاپكەرشىلىكتىڭ ماڭىزىنا توقتالدى.
ءىس-شارا اياسىندا جاس ماماندار دا ءسوز سويلەپ، ىشكى ىستەر ورگاندارىنداعى العاشقى قادامدارى، تاجىريبە جيناقتاۋ مەن تالىمگەرلىكتىڭ ءرولى تۋرالى پىكىرلەرىمەن ءبولىستى.
كەزدەسۋ سوڭىندا قاتىسۋشىلار ۆەدومستۆوارالىق ءوزارا ءىس-قيمىلدى نىعايتۋ، سىبايلاس جەمقورلىققا قارسى پروفيلاكتيكالىق جۇمىستاردىڭ تيىمدىلىگىن ارتتىرۋ جانە قوعامدا زاڭدىلىق پەن قۇقىقتىق ءتارتىپتى ساقتاۋ باعىتىنداعى بىرلەسكەن جۇمىستى جالعاستىرۋ قاجەتتىگىن اتاپ ءوتتى.
