شىمكەنت قالاسىنداعى «جۇلدىز» يندۋستريالدى ايماعىندا ورنالاسقان ونەركاسىپتىك كاسىپورىندارعا قىزمەت كورسەتۋگە ارنالعان تۇيىقتالعان تەمىرجول جەلىسىنىڭ قۇرىلىسى اياقتالدى. قالا اكىمى عابيت سىزدىقبەكوۆ اتقارىلعان جۇمىستىڭ ناتيجەسىمەن تانىستى.
تەمىرجولدىڭ جالپى ۇزىندىعى 6,4 شاقىرىمدى قۇرايدى. سونىمەن قاتار، مۇندا تەمىرجول توسەمىن سالۋمەن قاتار، اسفالت جابىنى تولىق قالپىنا كەلتىرىلدى.
ەسكە سالا كەتەيىك، قازاقستان حالقىنا جولداۋىندا مەملەكەت باسشىسى قاسىم-جومارت توقاەۆ كولىك-لوگيستيكا ينفراقۇرىلىمىن دامىتۋدىڭ، تەمىرجول جەلىسىن كەڭەيتۋدىڭ جانە جۇك تاسىمالىنىڭ تيىمدىلىگىن ارتتىرۋدىڭ ماڭىزدىلىعىن اتاپ وتكەن بولاتىن.
«جۇلدىز» يندۋستريالدى ايماعىندا تەمىرجول جەلىسىنىڭ سالىنۋى وسى مىندەتتەرگە سايكەس كەلەدى جانە قالاداعى ونەركاسىپتىك كاسىپورىنداردىڭ دامۋىندا اسا ماڭىزدى.
جاڭا ينفراقۇرىلىم شيكىزات پەن ماتەريالداردى جەتكىزۋدى، دايىن ءونىمدى جونەلتۋدى جەڭىلدەتىپ، يندۋستريالدى ايماقتىڭ لوگيستيكالىق مۇمكىندىكتەرىن كەڭەيتەدى.
تەمىرجول وندىرىستىك الاڭنىڭ الەۋەتتى ينۆەستورلار ءۇشىن تارتىمدىلىعىن ارتتىرىپ، جاڭا ءوندىرىس ورىندارىن ورنالاستىرۋعا جانە قالانىڭ ونەركاسىپتىك مۇمكىندىگىن دامىتۋعا قوسىمشا جاعداي جاسايدى
