شىمكەنتتىك اۆتوبلوگەر ءارى زاڭگەر رۋسلان جانپەيىسوۆ پوليتسيا قىزمەتكەرلەرىنىڭ زاڭدى تالابىنا باعىنباعانى ءۇشىن كىنالى دەپ تانىلىپ، 4 تاۋلىككە اكىمشىلىك قاماۋعا الىنعانى تۋرالى اقپارات تارادى، دەپ حابارلايدى "ادىرنا" ۇلتتىق پورتالى Otyrar.kz پورتالىنا سىلتەپ.
سوت شەشىمىنە سايكەس، اكىمشىلىك جازا 22 ساۋىردەن باستاپ ەسەپتەلەدى. بلوگەر سول كۇنى جۇمىس ورنىندا ۇستالىپ، ۋاقىتشا ۇستاۋ يزولياتورىنا جەتكىزىلگەن.
العاشىندا وعان قىزىلوردا وبلىسىنىڭ پوليتسەيلەرى جۇرگىزگەن رەيدكە كەدەرگى كەلتىردى دەگەن ايىپ تاعىلعان. الايدا كەيىن سوت بۇل ءىس بويىنشا قۇقىقبۇزۋشىلىق قۇرامىن تاپپاي، ءىستى توقتاتقان. كەيىن باسقا ەپيزودتار قارالىپ، وندا جانپەيىسوۆ قاراعاندى وبلىسىنىڭ پوليتسيا قىزمەتكەرلەرى جۇرگىزگەن رەيد كەزىندە ولاردىڭ ارەكەتىن ۆيدەوعا ءتۇسىرىپ، جۇمىسقا كەدەرگى كەلتىردى دەپ تانىلدى. بۇل جازبالار ءىس ماتەريالدارىنا دالەل رەتىندە تىركەلگەن.
شىمكەنت قالالىق پوليتسيا دەپارتامەنتى مالىمەتىنشە، بلوگەر پاترۋلدىك پوليتسيا قىزمەتكەرلەرىنىڭ زاڭدى تالاپتارىن ەلەمەي، بىرنەشە رەت ولاردىڭ قىزمەتىنە ارالاسقان.
