شىمكەنتتە باسقارما باسشىسى پارا الدى دەگەن كۇدىككە ءىلىندى. بۇل تۋرالى انتيكوردىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
«شىمكەنت قالاسى بويىنشا سىبايلاس جەمقورلىققا قارسى قىزمەت شىمكەنت قالاسى مادەنيەت، تىلدەردى دامىتۋ جانە مۇراعاتتار باسقارماسى باسشىسىنىڭ زاڭسىز ارەكەتىنىڭ جولىن كەستى.
ول ءوزىنىڭ قاراماعىنداعىدان ەڭبەك شارتىن ۇزارتقانى جانە قىزمەتتەگى جالپى قامقورلىعى ءۇشىن 1 ميلليون تەڭگە كولەمىندە پارا الدى دەپ كۇدىكتەلۋدە»،—دەلىنگەن حابارلامادا.
قازىرگى تاڭدا سوتقا دەيىنگى تەرگەۋ جالعاسىپ جاتىر.
قىلمىستىق-پروتسەستىك كودەكسىنىڭ 201-بابىنا سايكەس وزگە اقپارات جاريا ەتۋگە جاتپايدى.
