Şymkent qalasyndaǧy «Jūldyz» industrialdy aimaǧynda ornalasqan önerkäsıptık käsıporyndarǧa qyzmet körsetuge arnalǧan tūiyqtalǧan temırjol jelısınıŋ qūrylysy aiaqtaldy. Qala äkımı Ǧabit Syzdyqbekov atqarylǧan jūmystyŋ nätijesımen tanysty.
Temırjoldyŋ jalpy ūzyndyǧy 6,4 şaqyrymdy qūraidy. Sonymen qatar, mūnda temırjol tösemın salumen qatar, asfalt jabyny tolyq qalpyna keltırıldı.
Eske sala keteiık, Qazaqstan halqyna Joldauynda Memleket basşysy Qasym-Jomart Toqaev kölık-logistika infraqūrylymyn damytudyŋ, temırjol jelısın keŋeitudıŋ jäne jük tasymalynyŋ tiımdılıgın arttyrudyŋ maŋyzdylyǧyn atap ötken bolatyn.
«Jūldyz» industrialdy aimaǧynda temırjol jelısınıŋ salynuy osy mındetterge säikes keledı jäne qaladaǧy önerkäsıptık käsıporyndardyŋ damuynda asa maŋyzdy.
Jaŋa infraqūrylym şikızat pen materialdardy jetkızudı, daiyn önımdı jöneltudı jeŋıldetıp, industrialdy aimaqtyŋ logistikalyq mümkındıkterın keŋeitedı.
Temırjol öndırıstık alaŋnyŋ äleuettı investorlar üşın tartymdylyǧyn arttyryp, jaŋa öndırıs oryndaryn ornalastyruǧa jäne qalanyŋ önerkäsıptık mümkındıgın damytuǧa qosymşa jaǧdai jasaidy
