قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ بۇرىنعى توراعاسى كارىم ماسىموۆكە قاتىستى مەملەكەتكە وپاسىزدىق جاساۋ فاكتىسى بويىنشا سوتقا دەيىنگى تەرگەۋ جالعاسۋدا دەپ حابارلايدى "ادىرنا" ۇلتتىق پورتالى كوميتەتتىڭ ءباسپاسوز قىزمەتىنە سىلتەمە جاساپ.
"وسى ءىستىڭ شەڭبەرىندە بيلىكتى كۇشپەن باسىپ الۋعا جانە لاۋازىمدىق وكىلەتتىكتەرىن اسىرا پايدالانۋعا باعىتتالعان ءىس-ارەكەتتەر فاكتىلەرى بويىنشا قوسىمشا سوتقا دەيىنگى تەرگەپ-تەكسەرۋلەر باستالدى. اتالعان قىلمىستاردى جاسادى دەگەن كۇدىكپەن ك.ماسىموۆتەن باسقا ۇقك توراعاسىنىڭ بۇرىنعى ورىنباسارى – "ا" ارنايى ماقساتتاعى قىزمەتىنىڭ باستىعى ا.سادىقۇلوۆ پەن ۇقك توراعاسىنىڭ بۇرىنعى ورىنباسارى د. ەرعوجين ۇستالدى", - دەلىنگەن ۇقك حابارلاماسىندا.
بۇگىنگى كۇنى بۇل ءىس بويىنشا تەرگەۋ جالعاسۋدا.
"ادىرنا" ۇلتتىق پورتالى
