اتىراۋ وبلىسىندا جول-كولىك وقيعاسى بولىپ، 5 ادام كوز جۇمدى، دەپ حابارلايدى «ادىرنا» ءتىلشىسى.
«4 قاڭتار كۇنى ساعات 11:30 شاماسىندا قۇلسارى-بەينەۋ تاس جولىنىڭ 15 شاقىرىمىندا ارمەنيا ەلىندە تىركەلگەن Honda Odessey جانە رەسەي ەلىندە تىركەلگەن ۆاز-2115 اۆتوكولىكتەرى سوقتىعىسقان.
جول-كولىك وقيعاسى سالدارىنان ۆاز-2115 اۆتوكولىگىنىڭ 26 جاستاعى جۇرگىزۋشىسى جانە ءۇش جولاۋشىسى وقيعا ورنىندا قازا تاپقان. ال ەكىنشى كولىكتىڭ جۇرگىزۋشىسى مەن جولاۋشىسى جىلىوي اۋدانىنىڭ اۋرۋحاناسىنا جەتكىزىلگەن. جولاۋشى العان جاراقاتتارى سالدارىنان اۋرۋحانادا كوز جۇمدى»،– دەدى ءىىم ءباسپاسوز قىزمەتى.
قازىرگى تاڭدا جول-كولىك وقيعاسىنا قاتىستى تەرگەۋ امالدارى باستالدى.
«ادىرنا» ۇلتتىق پورتالى
